Table of Contents
خروج دخان من الشكمان من المشاكل اللي بتظهر في العربيات بعد فترة من الاستخدام ان العربية
وده بيحصل لأسباب كتير هنوضحها هنا
اولا بخار ماية
ثانيا العربية بتطلع دخان ابيض مايل للزرقة
ثالثا عربيتك بتطلع دخان اسود
نبدء نوضح الفرق
اولا بخار المية
ده ليه احتمالين
الحالة الاولي
لو البخار بيطلع الصبح بدري والجو بارد كده يبقي عربيتك زي الفل وربنا يباركلك فيها
وده بيبقي عبارة عن تكثيف البخار الموجود داخل الشكمان وقت الدوارة وبيختفي خلال 5 دقايق وهتشوفة تاني يوم بدري
الحالة التانية
ان يكون في بخار ماية بيظهر معاك الصبح وبيستمر وده تقدر تتاكد منه من متابعة الماية داخل قربة ماية تبريد الموتور لو بتنقص وبتحتاج تزودها كل يوم او اسبوع يبقي كده عندك تسريب في جوان وش السلندر وروح لأقرب مركز محترم يغير الجوان ويكبس دورة الماية ويعمل رودية بالمرة ( هنتكلم عنه في الفقرة الجاية متستعجلش )
ثانيا هنتكلم عن الدخنة البيضه
يعنى ايه دخنه بيضه
و الزتونه بقا هى كمية الدخنه اللى خارجة ولونها ووقتها
الدخان الابيض مائل الى الازرق
وده دليل ان الزيت دخل غرفة الحريق وده ليه حالتين
اولا دخنه فى بداية الدوارة وبتروح اول ما العربيه تسخن
ده يبقي كوتش الصباب نشف واتشقق وبيخزن زيت وبيتحرق مع اول الدوارة ويختفي مع المشي وبيكون في نقص بسيط في الزيت بيظهر علي فترات ويستحسن تغير جلد الصباب (تحل الوش وتروح لخراط نضيف يقيس الوش وتعمل رودية وتغير جلد الصباب وبالمرة تغير الجوانات وتعمل حملة نضافة بقا للعربيه وتروق عليها )
الحالة التانية لو لاقدر الله استمرت الدخنه يبقي كدة للاسف دخلت فى طقم شنبر ودا بقا يابرنس ملوش حل هتحل المكنه يعنى هتحلها
لو الدخان بسيط يبقي غالبا طقم شمبر بس وبتحل المكنة وبيتغير الشنابر وبتركب تاني مع تغيير الجوانات طبعا اما لو الدخان كثيف جدا بيكون كسر في طقم شمبر او كسر بستم وف الحالة الاخيرة يفضل تغيير الموتور كله
الحالة الاخيرة وهي الدخان الاسود
اما الدخان الاسود فهو دليل على عدم اكتمال الاحتراق والعربيه بتاكل بنزين والشكمان مهبب والعربية مخنوقة ودا بقا ليه
كذا سبب وهقول عليهم على سبيل المثال وليس الحصر ( اللعين حساس الكولانت – بوابة بحساساتها – بوجيهات – رشاشات – فلتر هواء – طلمبة بنزين )
دى كلها اسباب للدخنه السودا
