موقع عربية

دليلك في عالم السيارات

اعطال شائعة موضوعات مهمة

ازاي احافظ علي بطارية العربية

بطارية العربية غليت وبقت تبوظ اسرع طب ايه الحل

طب ايه الحل
اغلب اللي في السوق انواع رديئة وكمان الكويس بيبوظ بسرعة

عشان نتجنب الانواع الرديئة لازم نختار البطارية من مكان معروف وموثوق ونختار الانواع الاعلي زي فارتا الألمانية او AC-Deleco او بوش بشرط يكونوا من اماكن موثوقة


ازاي احافظ عالبطارية

أولاً
برغم ان مشاكل البطاريات بتظهر في الشتا لاكن من العوامل المؤثرة عالبطاريات وبتخليها تبوظ بسرعة هي الحرارة العالية

طب هعمل ايه في حرارة الموتور يعني
دلوقتي اغلب العربيات الجديدة بقت بتنزل بعلبة للبطارية للحفاظ عليها من الحرارة لأن الحرارة بتزود شحن البطارية فتبوظ اسرع زي بالظبط لو سيبت اللاب توب واصل بالكهربا علطول بطاريتة بتبوظ اسرع
طيب انا عربيتي مفهاش علبه للبطارية

ممكن تشتري من التوفيقية شنطة بطارية وده الحل الاسهل

الحل الافضل بقي انك تشتري سفنج عازل اللي فيه طبقة لامعه وده هتلاقية عن بتوع الفرش وعند اللي بيبيعوا مواد عزل
وتفصل شكل علبه علي مقاس البطارية من السفنج العازل ده وده هيحقق عزل افضل من الشنطة الجاهزة

عشان تحمي البطارية من حرارة الموتور اللي بتزود الضغط داخل البطارية خصوصا في الصيف

ثانيا

الكشف علي كابل الشحن اللي جاي من الدينامو مارا بالمارش وينتهي عند القطب الموجب للبطارية . وده الكابل المسئول عن شحن البطارية اثناء تدوير الموتور . ولو ناشف يتغير بكابل شعر نحاس محترم نفس التخانة .

ثالثا . ملاحظة اي تمليح بكثرة مهما تم الغسيل في قواطيش واطراف الكابلات المتثبتة في اقطاب البطارية دليل علي وجود شرخ او فصل بين جسم البطارية البلاستيك وبين القطب الرصاص بتاع البطارية . لازم في هذة الحالة صنفرة جسم البطارية البلاستيك حول القطب و وضع مادة لاصقة محترمة . وذلك لان هذة ستتلف قواطيش البطارية واطراف الكابلات بسبب تصاعد بخار الحامض من البطارية . ومن تلك الكابلات كابل الشحن اللي جاي من الدينامو كما ذكرنا .

رابعا .. يجب عدم ارهاق البطارية بوضع انوار و اجهزة كثيرة عن اللازم تستهلك طاقة كبيرة من البطارية . لان ذلك يجعل البطارية في وضع الشحن باستمرار ويعجل بسرعة تلفها .

خامسا الناس اللي مركبين عدد صوت قوية عدم تشغيل العدة والسيارة في وضع عدم التشغيل او التقليل من ذلك قدر الامكان . وشراء بطارية كبيرة تتحمل هذة الاحمال . وتزويد الارضي وتزويد كابل شحن البطارية سابق الذكر .

سادسا  الاهتمام بقياس شحن الدينامو كل فترة عند اي كهربائي . وتغيير سير الدينامو باستمرار أو الكشف علي كفائتة

سابعا .الكشف علي اي ماس او تلميس نتيجة شغل كهربا او سلوك نشفت وقشرت وده  يفضي البطارية في يومين لو متحركتش .
علاجة هتجيب افو محترم وتظبط المؤشر علي ٢٠٠ ملي وانت مبطل العربية وتحط الطرف السالب للافو مع الطرف السالب للبطارية والموجب مع الموجب . لو الافوميتر اظهر قراءة تقريبا 75 مللي يبقي مفيش مشاكل. لو ادالك قيم كبيرة اكبر من ١٠٠ مثلا او ١٥٠ يبقي فيه تسريب هتفضل تفك فيوز فيوز لغاية ما تلاقي القيمة قلت مع نزع احدهم يبقي المشكلة في تغذية القطعة اللي لما فصلناها الدنيا ظبطت . هتقوم كاشف علي كل الكابلات واللي مقشر هتعزلة وشكرا .

ثامنا واخيرا 
ممنوع الخبط علي القواطيش عند التركيب او نزع الكابلات وعدم التعامل بقوة معاها علشان منفصلش اللحام اللي بين الاقطاب وجسم البطارية . واللي هياثر علي الاداء بسبب تصاعد ابخرة حامض البطارية .

 

share Now

اترك ردا

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.