عربيات مستعملة حديثة اقل من 100 الف جنية

هنتكلم عن العربيات المستعملة اللي انتجت من سنة الفين ومتوسط سعرها مستعملة اقل من 100 الف جنية

اول ماركة في الفئة دي هي الاوبل

الاسترا G     من افضل العربيات اللي  في فئة السيارات المستعملة تحت ال 100 الف
الاسترا جي نزل منها شكلين الاسترا الالماني والاسترا البرازيلي لمعرفة الفرق بينهم من هنا  

لاكن هنا هنتكلم عن الاسترا الالماني اللي بدئت في مصر من 2000 حتي 2003
وبردوا العربية دي مميزة في الفئة السعرية دي بسبب الامكانيات المتاحة فيها وموتور موفر جدا في البنزين 1200 سم بس
لاكن البعض بيعدل الموتور لموتور اعلي اتوماتيك
ومن الاوبشن اللي فيها انها بتنزل طارة مالتي تكييف سنتر لوك امبيولايزر (مانع السرقة ) كراسي جلد زجاج كهربي

وموجود في الفئة دي الكورسا ايضا اللي بتتراوح سعرها من 70-100 الف حسب الكماليات والحالة بموديلات من 2000 حتي 2005 سيدان وهاتش باك لاكن طبعا تعتبر الاسترا افضل كمساحة داخلية وقطع غيار وباقي المميزات
وتوجد ايضا بعض السيارات الفيكترا بي 2 من 2000-2003 بهذا السعر ولاكن يجب الكشف عنها جيدا لأنها اقل من السعر المتداول ف الفترة الاخيرة

ثاني ماركة في الفئة دي هي الرينو

تأتي الرينو في فئة السيارات المستعملة تحت ال 100  الف بسيارتين مميزتين
اولهم الميجان الشكل القديم من 2000 -2004 اتوماتيك ومانيوال بمحرك 1400 سم
بكماليات زي ال ABS والتكييف وايرباج وباور وسنتر ومرايات كهربا وبسعر يتراوح من 70-85 الف جنية

وتأتي معها في نفس الفئة دي الرينو كليو موديلات من 2000-2005

بموتور 1400 سم و  تكييف ، باور ، 2 زجاج كهرباء ، سنتر لوك ، أيرباج ويتراوح سعرها من 75 الي 90 الف جنية

ويجي معاهم

اللوجان

وهي الاحدث صنعا في الفئة السعرية دي

العربية الرينو الوجان المستعملة موديلات 2010 حتي 2012 تتراوح في الفئة السعرية 90-100 الف جنية
ومواصفتها نظام فرامل ABS تكييف
وسائد هوائية تنبيه / نظام مضاد للسرقة / راديو اف ام / مدخل aux اوديو /زر تشغيل / إيقاف المحرك
مقاعد جلد /عجلات للطرق الوعرة /سنتر لوك /مرايا كهربائية /زجاج كهربائي

ثالث ماركة في الفئة دي هي الهيونداي

في الفئة دي موجود لهيونداي عربيتين منتشرين بشكل كبير جدا في مصر
اولا الفيرنا بموديلات من 2001 حتي 2012 توجد منها سيارات مستعملة بحالة جيدة تحت ال 100الف

تقريبا مفيش فرق في المواصفات باستثناء الهيكل الخارجي وبعض اختلافات التابلوة
لاكن السيارتين يعتبروا مفهمش كماليات غير التكييف والباور والزجاج الكهربا
لاكن الهيونداي عموما ليها سمعة جيدة في مصر واهم ميزة ليها سهولة الصيانة ورخص قطع الغيار وتوافرها جديد واستيراد

باسعار جيدة وسهولة الصيانة ودخه بيخلي ليهم ميزة جيدة جدا في اعادة البيع

رابع ماركة في الفئة دي هي الشيفرولية

شيفرولية لانوس 2010 السيارت المستعملة ماركة شيفرولية او دايو لانوس والشيفرولية هي الاحدث ويمكن بمبلغ 100 الف ان تشتري سيارة مستعملة انتاج 2010 -2012
وهي سيارة فقيرة نسبيا في الامكانيات لاكن عملية ولذلك مستخدمة بكثرة كسيارة اجرة في القاهرة
وتتميز بسهولة ميكانيكتها وقلة اسعار قطع الغيار

خامس ماركة معانا هي الفيات

الفيات موجوده باكتر من عربية في الفشة السعرية تحت ال 100 الف
ومن الفئات بعد سنة 2000 موجود الفيات بونتو والفيات والسينا والتيبو
لاكن انا هتكلم عن البونتو وهي احدثهم واغلاهم سعرا فبونتوا 2010 سعرها يتراوح بين 90 -110 الف

تتميز الفيات بونتو عن الموديلات السابقة انها شبابية وايطالية الصنع وايضا بها نظام فرامل ABS /تكييف / وسائد هوائية
/راديو اف ام و مدخل aux اوديو/ فوانيس شبورة /سنتر لوك /باور ستيرنج /زجاج كهربائي

يجي بعد كده بعض الماركات الصيني في الفئة السعرية دي 

اولهم البريليانس 

البريليانس

بتقدم عربيتين في الفئة دي  FRV هاتش باك FSV سيدان
FRV موديل 2010 هاتش باك سيارة شبابية متزنة

وامكانياتها جيدة وتتميز البريليانس وسط السيارات الصيني بجودتها العالية
وتتميز ال FRV ب تكييف / وسائد هوائية / راديو اف ام /فوانيس شبورة /حساسات ركن /سنتر لوك
مرايا كهربائية /باور ستيرنج / زجاج كهربائي

تقريبا نفس المواصفات الخاصة بال FSV مثل ال FRV مع اختلاف الهيكل

تاني ماركة في السيارت الصيني بفئة السيارات المستعملة تحت ال 100 الف 
هي الاسبرانزا 

الاسبرانزا

تأتي بثلاث سيارت
سيارة صغيرة A113 موديل 2012

بمواصفات فرامل EBD / ABS  /فوانيس شبورة /مقاعد جلد /سنتر لوك /مرايا كهربائية / باور ستيرنج
زجاج كهربائي / فتحة سقف / تكييف

سيارة سيدان M11 

سيارة SUV  تيجو 2010 -2011

واخر ماركة معانا في الفئة دي هي  جيلي MK 2010

راديو اف ام / تكييف /فوانيس شبورة / سنتر لوك / مرايا كهربائية / باور ستيرنج /زجاج كهربائي