اتيكيت العربية
لكل حاجة في الدنيا قواعد واصول
والاصول دي هي اللي بندلعها ونقول عليها اتيكيت 🙂
وطبعا العربية زي اي حاجة في حياتنا ليه قواعد واصول
فيلا بينا نعرفها سوا
مين يقعد عالكرسي المميز
والكرسي ده نفسه بيختلف حسب كذا حاجة
1. يعني لو العربية بسواق يبقي في الحالة دى صاحب العربية يركب وار على اليمين . وبشكل عام كرسى الشرف (المكان المميز ) فى الحالة دى هو الكرسى اليمين فى الكنبة الى ورا .
2. لو صاحب العربية هو اللى بيسوق يبقي كرسى الشرف بيبقى الكرسى الى على يمينة ( وفى حالة مراتة او حماتة او مامتة فالكرسى دة المفروض يبقى للاكبر سنا )
3. لو اللي راكبين اكتر من شخص ونفس درجة العلاقة وصاحب العربية هو الى بيسوق يبقى
صاحب العربية يقعد قدام والضيوف ورا واكبرهم سنا او مقاما فى كرسى الشرف واحيانا بيكون الاطول خصوصا بين الشباب
4. الستات بقي ياريت تراعي لو لابسة طاقية اوبرنيطة كبيرة يفضل تتقلع قبل دخول العربية
5 . لو مش انت صاحب العربية مش من الذوق انك تفتح او تقفل التكيف او الزجاج او الكاسيت من غير اذن صاحب العربية وهو يعمل دة بنفسة او يسمحلك.
6 ـ لو انت اللي سايق من الاتيكيت عدم استخدام الكلاكس الا للضرورة القصوى
7 . من الاتيكيت برضو انك تبتسم لما حد يبصلك عشان يعدي خصوصا المشاة لما يستأذنوك عشان يعدو قدام العربية .
8 ـ بردوا من أصول الإتيكيت، فتح باب السيّارة للسيّدات عند الركوب. ده لمصلحتك علي فكرة علشان هي مترزعوش 😛 .
9 – ميصحش ابدا نرزع ابواب العربية عند الركوب او النزول احتراما للى بيسوق وعشان ميتوترش .
10 – مش من الاتيكيت تطلب من الشخص الى جمبك يمد ايدة ويشاور للعربيات التانية او تطلب منة اى شى متعلق بالسواقة
11 . مش من الاتيكيت ولا الذوق انك تدخن وصاحب العربية مش مدخن ، ولا انك تاكل في العربية الا لو هو عمل كده وسمحلك بكده
12 . القاعدة الاخيرة ودي مهمه جدا هي ركوب الاطفال تحت 10سنين في الكنبة ورا حتي لو مفيش حد قدام امان ليهم وعدم تشتيت للسائق خصوصا لو الام اللي بتسوق
بردوا في اتيكيت للسواقة بس هنتكلم عليه في البوست الجاي